Yilan, 21 October: Sunday din Taiwan deh express trail toh olda rasta pora koraijai kena kerise. Etu pora nai-nai koilebe 17 manu moraidese. Taiwan Railways Administration pora 17 jun mora toh janaidese aro 132 jun manu toh accident pora jokhom paise koise. Authorities khan pora train laga pethor deh passenger khan toh pashikena ase na nai janaideya nai. Hatsa howah jaga deh AFP reporter pora kowah toh, kera train pora besi death bodies khan olaise. Ekta passenger pora Apple Daily Taiwan logode kowah toh, journey time deh train toh hela (shaking) thakise. Taiwan authorities pora hatsa toh 4:50 pm local time (0850 GMT) time deh hoise koise. Railways minisyration pora kowah toh, train deh 366 manu thakise aro etu train toh Taitung laga southern city phalli jai thaga ase. Defence ministry pora motob koribo karni 120 sepai pothaise koise.
Add Comment