Taiwan deputy foreign minister, Pacific Island Forum attend kuri bole ase

August 25, 2024: Ekra deputy Taiwan foreign minister, etu hapta laka Pacific Island leaders meeting keh attend kuri bole ase, Tong deh, Taiwan laka foreign minister para Sunday din deh kui shae. Pacific b ekta competition laka jaka ase kuto Taipei aro Beijing majo deh ase.  Countries kan kuto Taiwan lokot deh formal diplomatic relations rakhi nah ase, etu laka number tho China kan komti kuri bole koshish kuri ase. Khali teentha countries – Palau, Tuvalu aro Marshall islands kan Taiwan lokot deh pasi nah ase. Taiwan laka foreign ministry para Deputy Foreign Minister Tien Chung-kwang para taikan laka teentha Pacific allies lokot deh ekta summit duri bo kui shae, taikan aro alak “like-0minded countries” lokot deh partnership tho kara kuri bo karne. “Like-minded countries” kan tho United States aro Australia nishi nah Western democracies keh reference kura ase. January mohina deh Lai Ching-te, Taiwan laka nutun president hua piche deh, Nauru para ties tho Taipei para Beijing deh switch kuri shae. Enaka hua tho Taiwan laka government para etu tho ekta sustained Chinese pressure campaign laka part ase kui shae. 2018 sal deh, Nauru kun etu time deh Taiwan laka ally taki shae, tai para China keh slam kuri shae, Pacific Island Forum deh out of turn kotha kura karne. Nauru puila deh China deh recognize kuri nah taki shae, 2002 aro 2005 majo deh. China para democratically governed Taiwan tho taikan laka ekta province ase kui shae, kun lokot deh right nai, state-to-state ties rakhi bole. 18 Pacific Islands leaders laka meeting deh Climate change aro security tho discussions keh dominate kuri bole expect ase. U.S Deputy Secretary of State Kurt Campbell b attend kuri bole ase.