Taiwan Open : Asian Champion Jyothi Yarraji, India’s 4 Gold Medals lead korise

Taipei, 7 June : Asian champion Jyothi Yarraji Saturday din Taiwan Athletics Open te women’s 100m hurdles te ekjon damdar performance diya pichete gold medal jitise. Taipei Municipal Stadium te compete kori thaka Jyothi 12.99 seconds te race complete kori, Japan laga Asuka Terada (13.04 seconds) aru Chisato Kiyoyama (13.10 seconds) ke haraise, juntu silver aru bronze jitise. 25 saal laga Jyothi 29 May te South Korea te hoba Asian Championships te bhi gold jitise 12.96 seconds te. Tai laga national record ase 12.78 seconds. Men’s 110m hurdles te national record holder Tejas Shirse bhi gold jitise, 13.52 seconds te finish kori — juntu tai laga dusor sabse fast time ase. Taiwan laga Hsieh Yuan-kai (13.72 seconds) aru Kuei-Ru Chen (13.75 seconds) silver aru bronze jitise. Shirse laga national record ase 13.41 seconds. Abdulla Aboobacker aru Pooja bhi nijor-nijor event te gold medal jitise — men’s triple jump aru women’s 1500m te. Aboobacker 16.21m jump kori gold jitise, juntu tai laga personal best 17.19m te thaka ase. Pooja, juntu last mahina South Korea te Asian Championships te silver jitise, tai 4 minute 11.63 seconds te finish kori gold loi jaise. Tai laga personal best ase 4:09.52, juntu 2023 te set kori thakise.