June 29, 2024: Taiwan para taikan laka manu kan keh China aro Hong Kong, Macao laka semi-autonomous Chinese territories kan deh naja b kui shae. Etu announce nahua time deh, Beijing para damki ekta di shae. Taikan para self governing island democracy laka independence support kura manu kan keh execute kuri bo kui nah damki di shae.
Mainland Affairs Council laka Spokesperson aro deputy head, Liang Wen-chieh para etu advisory tho ekta news conference deh kui shae, Thursday din deh. Etu advisory tho China laka hath para damki kan bishi aha time deh ahi shae.
Pro independence Democratic Progressive Party laka Lai Ching-te elect hua piche deh China laka damki kan tho ahi ase, “hardcore” Tawan independence supporters keh execute kuri bo kui nah. 2016 laka Taiwan election piche deh China kan, Taiwan laka government lokot deh contact ekdum kuri bole mana kuri shae. 2016 laka election deh former president Tsai Ing-wen jiti shae aro tai para Beijing laka demand tho endorse kuri bole mana kuri shae. Beijing kan Taiwan keh demand kuri taki shae, taikan tho China laka ase kui nah recognize kuri bole.
Government para visits kan tho ban kura nahoi, hoile b manu kan kun travel kureh, taikan political opinions kan express kuri bo nalageh aro authoritarian Communist Party para chubo para books kan duri bole nalageh.
Add Comment