Taliban aro Afghan, Doha te peace kotha koboli ase

Doha: Afghanistan government aro Taliban Saturday din Doha te peace talk nemite kotha koribo. 20 saal oper larai kori thaka toh kotom koriboli koishe. Kotha koboli thaka toh deri koikena 6 moina beche koribo ase, keli koile February moina te jail te thaka manuh jaribo nemite ase. Kotha koboli thaka toh 9/11 attacks laga19th anniversary din beche hoishe, etu nemite US para Afghanistan te jaikena Taliban regime samay Al-Qaeda leader Osama bin Laden ke bohiboli dey thakishe koishe. Tuita desh melikena desh toh keneka agae te loijabo aro larai komti hoikena Afghan manuh khan ke mangi ase thiboli ase koikena US Secretary of State Mike Pompeo para kotha kora samay kobo. President Donald Trump para November moina te election nalowah agae te America laga sobse lamba larai toh kotom koribo mon ase aro aha saal para toh foreign sepia khan Afghanistan para hatabole koishe. Doha te Taliban manuh ke matikena 2013 saal te political office koliboli koishe aro February moina te sepia khan hatabole Washington aro Taliban deal bonaise. Etu fesla para besi kotha olaishe ke, ketai Taliban para tai khan laga flag toh office te othabo, Kabul te kosa hoi thaki koishe. Friday din te, Afghan laga tuita(2) flag toh Doha luxury hotel te loikena jaishe aro etu chaka te Taliban manuh khan khara korikena thakishe aro media manuh khan be ase, etu samay tai khan jama nakora agae te coronavirus tests loboli thakishe koishe.