November 28, 2020. Tamil actor Thavasi, November 23 darik te oesophageal cancer para morishe. Actor para last saas toh Monday sham Madurai’s Saravana Multispeciality Hospital te loishe. Etu khobor share kora te, DMK MLA Saravanan, tai toh hospital laga Managing Director be ase, Twitter te lekishe ke, “Character actor Thavasi toh November 11 darik Saravana Hospital te oesophageal cancer bemar nemite admitted korishe, etu samai tai logot oesophageal stent thalikena general ward te thakishe. Aji (Nov 23) saas loboli dhuk nemite emergency care te loijaishe. Hoilebi, tai 8pm samai morishe. Ami laga mon dhuk toh ghor manuh, sati aro fans logot junai ase.” Thavasi tog besi din para oesophageal cancer thakishe aro hospital te admitted korishe. Olop din agae te tai poisa para dhuk thakishe koikena video te phileshe. Etu video para manuh besi laga mon choishe, etu oper te Rajinikanth, Soundarya, Vijay Sethupathi, MLA Saravanan aro besi manuh khan para motob thiboli ahishe. MLA para koishe, actor oper te korcha kora toh tai laga Surya Trust para funded korishe. Tai laga kam oper te, Thavasi para Tamil films besi te olaikena ase aro TV show Rasati te be tai ase.
Add Comment