Entertainment

Tamil Film Producers Council announce kurisey ki November 1 para eku Tamil film shoot nohobo

July 29, 2024
8 Views

Mumbai, July 29 : Tamil Film Producers Council (TFPC) para July 29 para bisi resolution pass kurisey. Etu council para announce kurisey ki November 1 para loikina eku film shooting aro post-production(shooting khotom huwa picheyte video aro awas edit kora) kaam khan nohobo. Joint meeting te bisi mamla laga bari te discuss kurisey. Jaiseki actor khan laga tankha, producer khan loss kha aro dangor hero laga film laga OTT release(online te film release kora) laga nyom nisna alag alag mamla te discussion kurisey.

Etu meeting ke TFPC(Tamil Film Producers Association Executives), Tamil Nadu Theatre Owners Association Executives aro Tamil Nadu Film Distributors Association Executives  laga member khan para attend kurisey.

Sob milaikina, TFPC para 6ta resolution share kurisey, kuntu laga list nicheyte dikina asey :

  • Leading actor thaka laga film tu theatre te release hoikina 8 hapta huwa picheyte hey OTT platform te release hobo lagey.
  • Ajikali, actor aro technician khan tu  film production company laga taraf para advance poisa loikina dusra film te jaikina kaam korey. Kuntu nimitey producer khan laga bisi poisa loss hoijai. Etu faisla kurisey ki kun actor aro technician producer para advance poisa pai taikhan tu dusra film te jabole ageyte etu film complete kuribo lagey.
  • Bisi Tamil film tu thik thak theatre napaikina etu laga release tu aney postpone hoikina thaki asey. Etu mamla ke suljhabole nimitey TFPC tu nutun nyom lagu kuribole tayar asey. Etu nimitey August 16 para nutun film laga shooting suru nohobo.
  • Etya production chuli thaka film khan tu October 30 tak te complete hoijabo lagey. Production house para TFPC logotey etu film shooting laga details share kuribo lagey.
  • Actor aro technician khan laga salary aro dusra khorcha khan ekdam bari thaka nimitey, film industry ke regularize aro restructure kuribole kadam uthaisey
  • Producer, distributor aro theatre laga malik shamil thaka ekta joint action committee para film industry logotey jurikina thaka jhamila ke thik kuribole nimitey ekta Joint Action Committee banabo.