Tamil Nadu: 3rd mega drive te 24.85 lakh vaccine thishe

Chennai: Sunday din Tamil Nadu te third edition Mega Vaccination drive samai 24.85 lakh manuh ke COVID-19 vaccine thishe koishe. 24.85 lakh manuh vaccine deya te 14.90 lakh ke first shot thishe aro baki 9.95 lakh ke second dose vaccine thishe, koikena press release te janaishe. 15 lakh oper ke vaccinate koriboli kam kora te, Tamil Nadu te third Mega Vaccination camp thakai toh kamyaab paishe aro etu neshina campaigns toh state te September 12 aro 19 darik te be thakishe. Health department laga khobor hesab te first vaccination drive te 28.91 lakh cover korishe aro second te 16.43 lakh manuh logot vaccine thishe. Sunday din Chief Minister M K Stalin, Chief Secretary V Irai Anbu aro senior ministers pithor te Minister for Medical & Family Welfare Ma Subramanian para Tiruchirappalli, Thanjavur, Mayiladuthurai aro Cuddalore te vaccination programme toh inspect korishe. Tiruchirappalli te reporters logot kotha kora samai Subramanian para koishe ke, Tamil Nadu te jowa olop din akhe te vaccination shortage thakishe, hoilebi Chief Minister aro health department para request kora beche, Centre para State ke 29 lakh doses released korishe. “DMK Parliamentary party leader T R Baalu para etu issue toh Centre logot loikena Union Health minister Mansukh Mandaviya ke request korikena state te hotai hafta 50 lakh doses thiboli manishe’. Tai janaishe. District sob pithor te, Chennai te 2.13 lakh manuh ke vaccine dose deya te topped list te ase, second toh Cuddalore te 1.15 lakh vaccinations report ase aro etu beche Tiruchirappalli aro Madurai 1.06 lakh aro Thanjavur te 1.04 lakh thikena ase. Etu vaccination campaign toh state te 23,436 health camps aro primary health centres, government hospitals, Anganwadi centres aro schools te 7am para 7pm dak thakishe koishe. Aji mass vaccination programme thaka nemite, state te special vaccination camp September 27 (Monday) din te nathakiboli janaishe.