Madhya Pradesh, October 4 – Madhya Pradesh (MP) Chhindwara district te 11 sal baccha muri pichete, Coldrif cough syrup upor te India te beshi chinta uthishe aru bahut state government action loi ase. Baccha khan kidney failure hoishe Coldrif syrup khai kina, juntu khabar pichete bishi concern uthishe.
Madhya Pradesh state government Coldrif syrup bikri ban korishe aru market te jitu stock ase, sekhan collect kuribole start korishe. State government affected family khan karone ₹4 lakh financial assistance announce korishe aru treatment cost cover koribole promise dishe.
Tamil Nadu test korishe Sresan Pharma Kanchipuram manufacturing unit te banai Coldrif syrup sample toh. Test result te diethylene glycol (DEG) limit thik nathaka paishe. Aru etu pichete Tamil Nadu government October 1 para syrup bikri ban korishe aru pharmacy khan para remove kuribole order dishe.
Kerala state Drugs Control Department precaution para Coldrif syrup sale suspend korishe. Kintu investigation te paishe je jitu batch MP baccha khan use korishe, etu batch Kerala te na bikai hoishe. Suspension decision health safety protect koribo karone loi dishe.
Central Drugs Standard Control Organisation (CDSCO) etu upor te inspection start kori ase. Initial test Madhya Pradesh te contamination pa nai, kintu porer analysis te DEG limit pai she, Union Health Ministry report dishe.
Health expert khan parent khan khabar dishe ki Coldrif aru similar unverified syrup dile baccha khan khuwa nakoribo. Proper regulation aru quality check critical ase etu dhoror tragedy avoid koribo karone. Etu incident nationwide concern uthaishe aru pharmaceutical product upor te strict monitoring aru children safety ensure kuribole demand ase
Add Comment