Tamil Nadu BSP chief laka murder accuse muri jai shae

July 14, 2024: Bahujan Samaj Party (BSP)  laka Tamil Nadu unit chief, K Armstrong laka murder case deh accuse taka tho police para goli mari nah muri di shae, Saturday din, Chennai deh. Police official laka isap deh, K Thiruvengadam aro alak 11 jun kun case karne accuse ase, taikan keh ekta lakeh osor deh lui jai shae, politician laka killing deh chua weapons kan recover kuri bo karne. “tateh, accuse para police personnel keh hamla kuri bole koshish kuri shae, recover kura weapons para aro atteh para pola bole koshish kuri shae. Wapas goli mara tho tai jokom kai shae aro ekta hospital deh phat lui jai shae. Hoile b tai ana tho muri shae kui nah declare hui jai shae,” officials para kui shae. Agae deh, Tamil Nadu laka ekta court para five-day police custody grant kuri shae, accused taka manu kan keh.  July 5 din deh, choitha najana manu para Armstrong keh mari nah murai di shae, taila ghor osor deh.