Agencies, 30 September: Sunday din Vijay Hazare Trophy Elite Group ‘C’ League de Tamil Nadu jetise Bengal logode six-wicket pora. Tamil Nadu laga khelari captain Vijay Shankar aro Abhinav Mukund ektum phal khela pora jetibole para thakise. Tusara match de, Gujarat aro Harayana jetibole para thakise. M A Chidambaram Stadium de Tamil Nadu first bowl juna thakise aro Bengal logode 49.4 overs de khali 239 he lobule deya thakise. Manoj Tiwary toh 47 pora top score korise. Vijay Shankar toh 4 de 34 pora best bowler thakise. Suru khel de Mukund (94) aro N Jagadeesan (55) pora meli kena 133 balls de 143 runs bonai deya pora Tamil Nadu khan ke sosta howah thakise. Gujarat pora J&K logode 123 karni haraideya thakise aro target toh 21.1 overs de pongjai deya thakise.
November 1, 2024
World's First and Only Nagamese Newspaper
Add Comment