Tamil Nadu , 8oct 2024: Tamil Nadu te ekta sub-inspector pra 65 year old dukan malik ke thapar dia la dikhishey CCTV te. Bon kura tobacco saman bisari time te hoishey. Police toh Thanjavur pra ase enika kurina etu incident toh Pattukottai, Mukkuttu rasta te hoishey. Etu video bishi viral hoi jaishey social media te aro manu bishi dikhina bishi gusa hoishey.
Madukkar police khan khota paishey ekta local dukan te illegal tobacco saman khan bikai thakishey. Etu jani kina police khan officer Jeevanandham ke phatai dishey tadeh jaka toh investigate kuribo nimite.
Jaka te punchina , sub-inspector pra bura dukan malik Thirunavukarasu ke hutishey etu biya saman khan bika laka. Kicha dukan malik pra misa ase koishey, police officer dukan malik ke thapar mara dikhi paishey CCTV te. Video te dikhisey dukan malik toh officer la theng te giri jala aro maaf mangi thakishey.
Video viral hwa pichideh, Jeevanandham ke Armed Reserve te photai dishey. Internal inquiry kuri ase sub-inspector la kam investigate kuribo nimite.
Add Comment