Chennai: Tamil Nadu te charta(4) doctors khan ke coronavirus bemar lageshe, sob milaikena positive cases tuh 738 hoishe aro Wednesday den ekla te 48 manuh positive test baishe.
Health secretary Beela Rajesh kuwa tuh 4 doctor ke virus para durishe aro kunoba lab technicians be ase.Tai khan laga khobor tu rukiase.
Wednesday den te 48 coronavirus positive cases hoishe, Dr Rajesh koise, “42 manuh tuh ekta chaka para howah ase” (tai Tablighi Jamaat, New Delhi para manuh khan aha laga kuwa ase).
Etu bethor te 8 jun tuh eke logot beraishe, 33 jun tuh contacts thakishe aro1 jun tuh foreigner ( Malaysian) manuh ase.
Health Secretary koise, 6 jun positive test majot te 2 jun tuh travel history ase aro 4 jun laga khobor tuh rukiase.
Sawal kurishe ke Tamail Nadu para 1,500 oper manuh March moina te Tablighi meet Delhi te jaishe khota samey te Dr Beela Rajesh koise, police, intelligence aro health department khobor hesab para tai khan tuh 1,480 manuh thakishe aro koishe etu oper te manuh thakeli tai khan nejor koboli koishe.
Wednesday den dak te moria khobor tuh nai koise, Tuesday rati te Vellore te ekjun morishe. Dr Beela Rajesh koise Vellore case tuh te etu manuh tuh hospital te thakikena first virus test kurai tu “”inconclusive” ase.
Vellore te second test samay te ek jun positive test hoise, tai koise bhal treatment deya oper tai laga ajanak bemar hoise. Etu oper te bhal howa case be ase, 21 bemar manuh khan bhal hoikena discharged hoise etu bethor te 72 sal manuh be Rajiv Gandhi Government General Hospital, Chennai para bhal hoise.
Sawal hotai nemite Dr Beela aro koise N-95 masks aro medical staff khan thayar ase, aro masks bona chaka tuh Tirupur te ase.
Health secretary janaishe ke chlorophyll tawai tuh komti nai aro “moi khan advance para rakikina ase”.
Wednesday sam te Villupuram para khobor pa tuh, Delhi laga Nitin Sharma 30 sal manuh tuh coronavirus beamr para Government medical college hospital te admit thakishe, hoilebi “bolaishe” hospital para.
Add Comment