Tamil Nadu te face-mask mandatory, Rs 500 fine

CHENNAI: Principal Health Secretary J Radhakrishnan para junaishe ke manuh khan para public jaga te mask lakaboli hokom namana nemite Rs 500 fine koriboli fesla korishe. “ami khan para local administration officials, health aro police department logot kaun manuh para public jaga te mask nalakaina thikibo, etu manuh khan logot fines collect koriboli janaishe,” koikena tai para reports logot janaishe. Covid bemari toh komti hoikena thaka samai olop din akhe para state te active case besi othi ase, Thursday (April 21) darik din te state te notun 39 cases khobor thakishe. Health department para district administration logot junaishe ke, government laga hoshari neum toh janaikena kuan manuh para public jaga te mask nalakabo, tai khan logot Rs 500 fine loboli janaishe. Radhakrishnan aro senior health department officials para Indian Institute of Technology, Madras te Thursday din 12 coronavirus cases khobor powa nemite etu jaga te jaikena check kora samai aro 18 notun case thurishe koishe. Jowa kali 700 samples collected kora te itya dak te 30 jun logot positive thurishe. Etu manuh khan sob toh vaccine loikena ase aro itya halat toh bhal ase,” koikena tai para janaishe. Etu hatsa nemite tai para koishe ke, campus aro institute authorities logot covid-19 hoshari neum jolaboli janaishe. Virus bemari phui nemite, tai para aro janaishe ke, government hospitals te 1,16,451 beds toh covid-19 bemar manuh nemite thikena ase aro etu samai 18 manuh hospital te admit  hoikena ase.