New Delhi: Tamil Nadu te Rajya Sabha laga vacant seat toh September 13 darik te by-election loboli ase, koikena Election Commission para junaishe. Etu seat kali howa toh AIADMK member A Mohammedjan (72) umer, etu saal March 23 darik te morishe. Assembly te takot thaka hesab te, Tamil Nadu te DMK-led ruling coalition pra seat toh loboli neshina ase. Ruling coalition para seat toh Congress nemite jariboli pareh aro tai khan laga candidate toh DMK supremo aro chief minister M K Stalin para kowa neshina kam koribo, koikena khobor para janaishe. Khobor para koishe ke, Congress toh itya state para leader ek jun ke field koribo naa party seniors nishina Ghulam Nabi Azad ke koribo bapana kori ase aro koishe ke, party president Sonia Gandhi para etu kam nemite final koriboli ase. By-poll toh September 13 te thakibo koikena poll panel para statement te janaishe. Established practice hesab te, votes counting toh polling 4 pm te kotom howa beche koriboli koishe. Commission para koishe ke, COVID-19 hoshari neum toh polling samai maniboli koishe. Election laga kam te sob manuh be face mask lakaboli lage koishe aro hall aro ghor te entry samai thermal scanning toh manuh sob logot loikena sanitiser toh jaga sob te thakibo, koikena commission para janaishe. Tamil Nadu lag chief secretary ke kam thishe ke, tai para state te senior officer junikena COVID-19 containment hoshari neum toh election kotom nahowa dak kam koriboli lage,” koikena EC para statement te janaishe. Mohammedjan para Tamil Nadu te minister kam kora toh July 24, 2025 saal te kotom koribo. Bypoll laga notification toh August 24 darik te janai thiboli koishe.
Add Comment