New Delhi, India, 4 August : Left-handed batsman Tamin Iqbal, tai komor dey jokhum hua karoney Bangladesh ODI team laga captain role para hatiwoley asey kuntu karoney tai ahi thakia Asia Cup dey nakhilibo.
August 30 para September 17 tak Pakistan aro Sri Lanka dey thakiboley thakia toh, itu ODI tournament dey Bangladesh side dey notun leadership dikhi pawo.
34 saal dey thakina, Tamim Iqbal para Afghanistan laga khilaf home series khilia time dey tai laga retirement announce kurina sob manu ke asturit kuri dishey.
Huilewi piche dey tai aro decision botli kurishey.
Itia tai New Zealand laga khilaf series thakia dey mun Dina, tai form thik thak kuriwoley kosis kuri asey aro India dey thakia tournament karney world cup squad dey jagah luwo mun asey.
“Mui captain role para namiwo aro player ekta huwoley mun diwo , aro kitia opportunity ahiwo mui muila sob diwoley kosis kuribo.” Tamim kuishey Thursday laga ekta press dey.
“Jokhum hua toh ekta tiktari asey kuina mui phabi asey. Mui injection ekta luishey huilewi itu para bhaal huwo na nai kuwi naparey. Mui board ke itu tiktari toh kui dishey. Mui hotai team ke alag logot agey rakhey. Toh itu mun dey rakhina, mui niche Nami jaa toh sobse bhaal faisla asey.”
Tamim tai agey dey retire huwoley laga faisla toh Bangladesh Prime Minister Sheikh Hasina para kua karoney podli kurishey huilewi itu par toh tai Hasina ke kui dishey kui asey.
Add Comment