May 29, 2021. Assam te Tamulpur LAC, United People’s Party Liberal (UPPL) laga MLA, Leh Ram Boro toh May 29 darik COVID-19 bemar para morishe koikena khobor para junaishe. Tai toh Tamulpur Primary Health Centre te COVID-19 positive thura nemite, May 27 darik Gauhati Medical College & Hospital (GMCH) te admitted hoikena thakishe. Tai laga oxygen laga toh 92 te thakina aro diabetes para bemar hoikena thakishe, etu samai tai ke joldi te Gauhati Medical College & Hospital (GMCH) te loikena jaishe. UPPL president Pramod Boro para Facebook te lekishe ke, “aji ami khan laga Tamulpur LAC, MLA Shri Lehoram Boro morishe. Tai ajanak mora nemite Tamulpur laga manuh aro UPPL family oper te besi tangor nokson hoishe. Tai para ami khan laga jaga development nemite besi bhal kam korishe aro kori thaka samai tai aji jaishe.
“olop din akhe te tai logot COVID positive tested thurishe. GMCH te elaj kori thaka samai tai toh stroke hoikena hospital te morishe,” koikena khobor toh Pramod Boro para aro janaishe. “tai laga atma hotai din shanty te thakibe,” tai aro koishe. Bodo Kachari Welfare Autonomous Council (BKWAC) laga executive member Pranab Boro para be tai mora oper te mon dukh howa kotha janaishe. Tai koishe ke, “Shrjt. Leho Ram Boro mora nemite mon besi dukh ase, tai toh UPPL te 1st time winning candidate ase aro Tamulpur LAC laga MLA thaka ase, aji tai GMCH te COVID-19 bemari parar morishe. Ami laga mon dukh howa kotha toh tai laga ghor manuh aro sathi khan logot janai dey ase.”
Add Comment