Dakar, November 6, 2026: Tanvi Patri mun de kena khele she hoile be China laga Zhang Yi Xin laga hath para hare she finals te, hoile be tai first Indian maiki ase kun silver medal jete bole pare she Youth Olympics te.
Tai jun laga match toh one hour aro 22 minutes lamba thake she, 15 sal Indian khelari toh six match points bacha bole pare she aro tin bar chance pai she title jete bole hoile be tai 21-15, 13-21, 24-26 te para hare she, world junior champion laga hath para.
Tanvi laga ahge te, HS Prannoy (2010) aro Lakshya Sen (2018) khali Indian khelari thake she kun silver medal jete bole pare she Youth Olympic Games te.
Finals te match te, opening set te tai bhal para seven points jete bole pare she3-5 para 10-5 kure kena, tai first set toh jete bole pare she. Hoile be second set china laga khelari be dekhai she tai laga skill aro set toh jete bole pare she. Final set te Xin toh dekhai she tai kile champion ase aro title toh jete loi she.
