Tata chess: Erigaisi para Carlsen keh stun kuri di shae

November 17, 2024: Tate Steel Chess tournament tho Arjun Erigaisi karne ekta roller coaster ride taki ase. Tai tho 2800-ratin club tho sobse nutun entry kura manu ase. Tui din agae, Magnus Carlsen para Indian laka kili bole sobse kushi pai kui shae, rapid round deh. Hoile bkhali 40 moves deh heh harai di shae. Saturday laka din tho Erigaisi laka turn taki shae, jiti bole. Tai khali 20 moves pitor deh game tho jiti shae, blitz round deh. Carlsen hara tho ekta rare event ase. Etu laka upor deh 20 moves laka pitor deh harai dia tho aro alak kotha ase. Kala piece lokot deh kili nah, Erigiaisi para Carlsen laka defense bangai nah honour tho pai shae. Tai para 985 laka upor accuracy para Carlsen laka defense keh bangai di shae, live chess engine laka isap deh. Carlsen laka 80% taki shae. Utu chari nah, Carlsen keh ruka bole eku taka nai. Expect kura nishi nah Carlsen para first din deh blitz standing tho top kuri di shae, 6.5 points lokot deh. Tai Vidit Gujrathi laka against ekta draw kuri nah din tho kotom kuri di shae. R Praggnanandhaa tho six points lokot deh second place deh taki shae. Erigaisi aro Russia laka Danil Dubov tho 5.5 points each lokot deh tie deh ase, third place karne. Gujrathi tho 5^th deh aro Abdusattorv tho 4 deh.