Assam, 27 January : Ekta significant development dey, Assam para 1800 maiki khan ke semiconductor processing dey kaam kuriboley select kurisheh, Tata Group para lua laga initiative laga ekta part nishna.
Itu maiki khan itia Bangalore pahunjishey aro taikhan laga notun roles karney training lui asey.
Itu initiative para ekta crucial step mark kuri asey, tech industry dey gender diversity promote kurina.
Tai laga X handle dey jaina , Assam CM likhishey, “Tata Group logot collaboration dey, Assam para 1800 maiki khan ke semiconductor processing dey kaam kuriboley recruit kurishey. Taikhan bishi pak Bangalore pahunjishey taikhan laga training karney aro taikhan journey laga muike ekta bhaal video share kurishey. Taikhan ke sobse bhaal wish kuri asey!.”
Agey 2023 dey, Chief Minister Himanta Biswa Sarma kuishey ki Tata Group toh Assam dey ekta semiconductor processing plant set up kuriboley plan kuri asey Rs 40,000 crore nishna laga investment dey.
Guwahati dey ekta function dey adress kurina, tai kuishey ki itu toh Centre ke final nod karney approach kurishey state government logot ekta faisla kuria piche dey, aro itu go-ahead toh julti expect kuri asey.
