Tata Group para 24 cryogenic oxygen dishe

April 21, 2021. India te COVID cases besi othi-thaka nemite Tata Group para 24 cryogenic containers liquid oxygen toh transport koriboli ase koishe. Tata Group para liquid oxygen toh 24 cryogenic containers transport korikena itya Indai te oxygen komti thaka samai COVID-19 cases besi jai thaka te motob koribo ase. “Tata group para liquid oxygen toh 24 cryogenic containers transport korikena desh te oxygen komti thaka samai motob koribo,” koikena group khan para social media te khobor toh janaishe. Prime Minister Narendra Modi para second wave bemari nemite desh laga manuh logot kotha kowa te kushi hoikena, etu groups para koishe ke, “ami khan COVID-19 bemari logot larai koriboli echa ase aro parai dak motob koribo”, koikena janaishe. Cryogenic containers toh flights para anibo aro oxygen komti hoikena thaka samai health Infrastructure oper te besi tangor motob thakibo, koishe. Tuesday din desh logot kotha kowa te, Prime Minister Narendra Modi para stakeholders aro pharmaceutical industry logot oxygen cylinders komti thaka nemite joldi te melaikena kam koriboli koishe. Jowa saal, ketai India te 1^st wave bemari ahishe, etu group para ventilators, personal protective equipment (PPE) kits, masks & gloves, etu oper te COVID-19 testing kits toh dosura countries neshina South Korea, US aro China para loikena anishe. Group para aro promise korishe ke, coronavirus bemar logot larai koribo nemite Rs 1,500 crore thiboli janaishe.