San Francisco, 23 September : Taylor Fritz, juntu ek rati agey world No. 1 Carlos Alcaraz ke harai thakise tai laga agey jiti thaka, etiya Alexander Zverev ke bhi dangor fashion te harai dise 6-3, 7-6(4), aru Team World karone Laver Cup jitise.
Fritz laga duita jiti thaka Top 3 players logot milaike total paanch points dise, aru San Francisco te 15-9 laga victory confirm kori dise — juntu hoise Team World laga char saal te tisra Laver Cup title.
Fritz surutei rally balls aggressive kheli thakise, aru slow condition ke cut kori thakise. Tai Zverev upor pressure di thakise jabole lagise ki tai second set te 4-3 te first break dise.
Zverev surute physically limit dekha thakise, kintu pichite sudden flow te ahise aru dangor push di thakise. Kintu Fritz bhi tai laga game elevate kori thakise aru last moment te pressure handle kori thakise. Duita players bhi best tennis dekhaise jabole pressure dangor hobo lagise, ATP report korise.
Itu victory nija notun captain Andre Agassi karone dangor moment hoise — American legend laga sideline debut te Team World Laver Cup jiti loise. Tai laga joyful presence pura competition te team ke boost kori dise.
Aage din surute Carlos Alcaraz aru Casper Ruud Team Europe karone olob hope dise, kintu Alex de Minaur laga jiti thaka Jakub Mensik logot Team World ke ekta win doori te anise Laver Cup ulaibole, aru Team Europe ke force kori dise duita straight match jitibole, juntu ekta one-set decider doubles te loi jabole.
Alcaraz din laga third match jiti dise, aru Alexander Zverev vs Taylor Fritz matchup create kori dise juntu Laver Cup prolong kori pare thakise, kintu etu hoanai.
Alex de Minaur Mensik ke 6-3, 6-4 te harai dise aru Team World ke Laver Cup glory doori ek match te anise. Tai last game te 0/40 pora escape kori thakise aru Team World ke 12-6 lead dise.
Add Comment