December 7, 2023: Pop sensation Taylor Swift etu sal records kan alak alak bangai ase. Taila achievement laka list dehy aro ekta dali lui shae tai. Time magazine para Midnight singer keg “Person of the Year” 2023 nam kuri di shae. Cruel Summer laka gana tho tho etu sal bishi dangor success hui jai shae, taila Eras Tour aro namesake concert films kan karne. Etu he nahoi nah olop agae deh b Swift keh Spotify laka Global Top Artist 2023 crown kuri di shae. 33 sal laka artist tho charts bishi deh top taki shae aro etu laka sobse streamed-artist hui jai shae.
Etu sal bhal para kotom kuri nah Swift para magazine keh kui shae,” Etu muila sobse proudest aro sobse kushi feeling ase itia tak.” October mohina deh, taila box office Eras tour laka film hit hua piche deh, Swift ekta billionaire hui jai shae. Taila estimated network tho $1.1 billion ase.
Etu achievement tho khali singer karne nahoi nah sob music industry karne ase. Kile koile Shake it off laka singer tho etu komti artist deh ekta ase kun khali taila music career karne billion dollar club tho bunji jai shae. American singer-songwriter para recently heh taila Era tour laka show kotom kuri di shae Sao Paulo, Brazil deh.
Add Comment