November 21, 2025: Chozuba Block TB Forum meeting loishey, Additional Deputy Commissioner laga office Chozuba tey, 21st November, 2025 tey.
ADC Chozuba, Dr. Diana Patton para opening remarks dishey, itu TB control official khan ke urge kuri kena, tai khan laga best resources khan diboley, technical equipment logotey. Dr. Patton para assure kurishey ki, itu administration toh hoiley tyaar asey, coordinate thakiboley support kuriboley aru judi kiba service lagi asey koiley, TB control kuriboley, itu district tey.
Dr. Ebenezer Phesao, DPO CD- II, Phek para itu Block TB Forum laga objective highlight kurishey aru inform kurisheyki, India toh hoiley, TB victim khan sob para bishi thaka laga ekta asey, itu duniya tey. Chozuba Block under tey 8 TB case khan thaka laga detect kurishey, 2025 laga itu saal tey. DPO CD- II para itu office para challenge khan face kuria laga share kurishey, especially TB test kuriboley nimitey, full equipment khan nathaka para.
Dr Phesao para itu official khan ke appeal kurishey, free TB district banaboley kaam kuriboley koishey, aru assert kurishey ki, Phek district toh hoiley sob para best para perform kuria laga district asey koi kena, TB eliminate kuria tey, itu state tey.
TB survivor/ champion laga testimony bhi share kurishey, Masune Tetseo para. Tetseo para koishey, tai toh hoiley ekta TB patient thakishey, hoilebi itu government hospital paa modod diya para bachi thakiboley parishey.
Tai para koishey, itu hospital toh hoiley free medicine khan, bhal khawa loa aru poisa diye, tai laga diet support kuriboley. Tai Government, doctor khan aru itu hospital laga staff khan ke tai laga gratitude express kuri kena, tai inform kurishey tatey jama kuria manu khan ke, keneka dawai toh doctor khan para likhi kena diya hisap tey khaishey, ekta thik thak laga schedule kuri kena thaka timing hisap tey, itu para tai laga TB toh cure hoi jaishey.
Add Comment