Thailand: Thailand, Pattaya te September 18 pora 27 tak dhakibole laga Weightlifting World Championship te Former champion Mirabai Chanu pora seven-member Indian team ke lead kuribole ase.
World Championship toh 2020 Tokyo Olympics karne gold-level laga qualifying event ase.
Etya Thailand te training karne jai kena dhakiya team te jarta(4) maiki aro tenta(3) moda lifters ase. Jarjun Mirabai (49kg), Commonwealth Championships gold medallist Jhilli Dalabehera (45kg), Sneha Soren (55kg) aro Rakhi Halder (64kg) khan women’s event te India karne khilibole ase.
Moda khan majo te, Youth Olympic gold medallist Jeremy Lalrinnunga (67kg) pora tai laga pohila World Championship khilibo.
Aro, Commonwealth Championship gold medallist Ajay Singh (81kg) aro national champion Achinta Sheuli (73) duijun bhi nijor njor laga category te khilibo.
“Moi khan laga Olympic group toh etu ase. Tokya karne tai khan pora six qualifying events te participate kurise. Etu pora World Championship te tai khan khilibo,” national coach Vijay Sharma pora PTI ke koise.
“Moi khan pora konba jawan khan ke bhi core group te dhalise kintoh tai khan ke bhi tai khan nijor ke dekhai dibole mon jai. Moi khan pora kiman youth aro juniors khan ke moka dibo, eman ahibole laga somoy aro second line karne phal hobo,” tai pora etu bhi koise.
India laga medal sobse omit dhakiya toh Mirabai ase, tai pora United States, Anahei te 2017 World Weightlifting Championships laga 48kg category te gold chiti kena ase.
Mirabai, toh nou mohina nishena jokom pai kena 2018 edition laga event bhi miss kuri kena dhakiya wapas ahise.
February mohina te EGAT Cup te 24 umapr pora tai laga nuton weight category 49kg te 82kg snatch aro 110kg clean aro jerk te odhai kena gold medal paise.
Asian Weightlifting Championship te, Manipuri pora tai personal laga sobse phal 199kg (86kg+113kg) bonaise hoile bhi fourth te khotam hoi kena stage te miss kurise.
2020 Tokyo Olympics laga qualification process toh 18 mohina somoy te weightlifters laga chuita event te khiliya ke sai kena sobse phal jarta ke lobo.
India laga team khan: Moda khan: Jeremy Lalrinnunga (67kg), Achinta Sheuli (73 kg) aro Ajay Singh (81 kg).
Maiki khan: Mirabai Chanu (49 kg), Jhilli Dalabehera (45 kg), Sneha Soren (55kg) aro Rakhi Halder (64kg).
Add Comment