Tea estate te medical staff kam bondh

June 4, 2021. Thursday din te upper Assam, Jorhat district Kakajan Tea Estate hospital laga doctors aro staff para kam te jaboli rokishe. Wednesday rathi tea workers khan para hospital beya korishe, etu protest kora nemite kam te jaboli rokishe. Hospital te nurse ek jun para koishe ke, Hojai te incident howa nehina toh village defence party, police aro All Tea Tribes Students Association members khan para roka deya nemite ase, nahoile halat besi beya hoboli osor te thakishe. Itya halat toh control te ase aro manuh khan besi phui te thaki ase koishe. Tuesday din te jawan doctor ek jun ke Assam’s Hojai district Udali Model Hospital te Covid-19 bemar manuh mori jowa nemite tai laga ghor manuh khan para etu doctor laha halat besi beay kori thishe. Etu nemite kam kora manuh khan para security kara rakiboli janaishe. Wednesday rathi te garden te thakai manuh ek jun Raju Robidas nam te mora nemite besi tangor jamila olaishe koishe. Police laga khobor hesab te, Robidas ke garden hospital te besi serious te anishe, hoilebi etu samai doctor para JMCH te loikena jaboli koishe,  medical college te loikena jowa samai rasta te morishe. Khobor para koishe ke, Robidas toh severe pain thakishe aro tai ke olop din akhe JMCH te loikena jaboli koishe, hoilebi jowa nai. Robidas mora khobor honikena tea estate te kam kora manuh khan besi kusa hoikena garden hospital te jaishe aro doctors aro medical staff logot hamla koriboli thamki thishe koishe. Garden te kam kora manuh khan para hospital laga windows beya korishe. Hoilebi, etu samai, local VDP members aro police team ahikena halat toh control te anishe, koikena khobor para janaishe.