Kerala ,26 August 2025: Ekta dangor controversy uthi jai she Kerala te, Sirajul Uloom English High School, Kadavallur, Thrissur laga ekta teacher, Khadija, police para book kuri dise karone tai Muslim student khan ke Onam celebration join na kuri bole koise. Tai parents khan ke ekta voice note pathai she, ke ta te Onam ke “polytheistic” festival koi kena, bacha khan ke participate na kuri bole urge koise. Audio te tai koise ke Muslim khan Islam laga teaching hisap te live kuri bole lage, aru alag religion laga customs follow kuri kena ‘shirk’ hobo. Tai emphasize kuri she ke bacha khan ke Islamic culture te raise kuri bole lage aru dusra faith laga rituals para alag rakhibo lage. Tai declare bhi kuri de she ke tai aru tai laga bacha khan Onam te join na kore.
Audio circulate hobo etu para Democratic Youth Federation of India (DYFI) laga ekjon worker complaint file koise. Etu laga upor Kunnamkulam police case register koise Section 192 Bharatiya Nyaya Sanhita (BNS) niche te, juntu provocation with intent to cause riot te deal kure.
Incident para school management dui jon teacher, including Khadija, ke suspend kuri dise etu karone alag-alag voice note pathai she. Management para clear kuri de she ke etu comment khan personal opinion khan tu, school laga stand nai. Management para koise ke Onam celebration tu etiya bhi grand manner te hobo, every year te celebrate kure. Etu message class aru PTA groups te bhi pathai de she.
Police confirm kuri de she ke dui jun teacher voice message pathai she , etu laga case upor te he case register hoise. Onam, Kerala laga official festival, state te sob community para celebrate kuri thaki she, unity aru inclusivity laga symbol laga hisap te.
Add Comment