San Francisco, 15 February : Team C, jun panch ta rookie aru dui ta second-year player pora milikena ase, Sunday din 74th annual All-Star Game te khelibo. Itu team Friday rati Castrol Rising Stars jeetikena All-Star 2025 te nijor jagah confirm kuri loise.
San Antonio Spurs laga rookie aru Rising Stars MVP Stephon Castle Team C laga leading scorer thaikise, jun final match te 12 points aru dui assist dibi dise. Final te Team C, Team G League upor 25-14 laga victory record kuri loise. Ekta time te Castle 8 point ekdom consecutive score kuri dise aru Utah Jazz laga guard Keyonte George ke transition te assist kuri kena left wing pora game-winning 3-pointer dibi dise. Team C initially 4 points peecha thaikise, kintu tai ekta 17-2 run kuri kena match jeetise.
Team C laga semifinal match te bhi, tai early double-digit lead loikena Team T upor dominate kuri dise. Team T last te 4 points peecha takise, kintu Castle ekta step-back jumper kuri kena match finish kuri dise, jun Team C laga fifth attempt thaikise game-winning shot nimite. Team C overall 61% shooting kuri dise, aru George 10 points score kuri leading scorer thaikise, jabole Team T laga Gradey Dick 12 points kuri game-high scorer thaikise.
Dusra semifinal ekta thriller thaikise, juntu Portland Trail Blazers laga Bryce McGowens laga last-minute 3-pointer pora Team G League jeeti loise, jun match te tai team 39-37 peecha thaikise. Itu game pura tight thaikise, aru Team M tai laga last free throws miss kuri kena Team G League nimite opportunity diya thaikise. McGowens (12 points) aru Minnesota Timberwolves laga Leonard Miller (14 points) milaikena Team G League laga total 40 points modot 26 points contribute kuri dise. Jabole Houston Rockets laga Amen Thompson Team M nimite 10 points score kuri top scorer thaikise.
Add Comment