MUMBAI: Thursday te SpiceJet aircraft Mumbai airport te wapas ghurai ahaishe. Dubai karne take-off kora fight toh technical glitch nimite Mumbai te wapaas ghurai ahishe.
Airline engineers khan para plane te snag toh correct kurishe. Char ghonta flight delay huwa pichete plane toh Dubai laga journey toh wapas resume kurishe. Khobor hesab te sob passengers toh safe ase koishe.
SpiceJet statement ekta issue kurishe. Etu statement hesab te January 9, 2019 te flight SG-13 toh minor technical issue nimite Mumbai wapas ghurai ahishe koishe. Wapas ghurai aha samay te plane toh normally land kurishe koishe. Emergency landing kora laga khobor toh golti ase aro baseless ase koishe. Checking huwa pichete aircraft toh tai laga journey toh wapas suru kurishe aro Dubai te normal business course te land kurishe.
January 6 te Mumbai para Dubai ja air India express flight toh hydraulic failure nimite wapas ghurai ahishe. Air India express flight te 180 passengers bhuki thakishe.
Add Comment