October 23, 2023 : Itu teen din laga Fathers Camp 2023, itu Chakeshang Baptist Church Ministers Hill, Kohima (CBCMHK) laga toh hoiley successful para khotom kuriboley parishey koi asey, John Government Higher Secondary School, Hostel, Viswema tey, Kohima district under tey para.
Isor laga kotha share kuri kena, itu fouth gospel service lag aitu camp tey, CBCMHK laga Associate Pastor, Thujoneyi Veswu para itu subject tey, “Moi aru moi laga ghor manu toh hoiley moi khan Isor ke serve kuribo” (Luke 24:14) tey koishey.
Isor para moi khan ke dangor responsibility di kena asey baba ekta ke, aru tai ke Isor laga next tey assigned kuri di kena asey, kotey baba khan laga responsibility toh hoiley, Isor nishina dangor asey, aru tai para baba khan ke urged kuri asey, bishi husiyar thakiboley, aru bhabana kuri kena kaam kuriboley dishey, bishi serious para , ghor manu khan ke sai jawa kuria homoi tey, moi khan itu duniya tey manu hoi kena zinda thaka tak, Veswu para koishey.
Itu CBCMHK laga Men Fellowship Department para tai khan laga deep gratitude express kurishey, sob baba khan ke, kun khan agey ahishey, partake kuriboley aru itu camp toh ekta meaningful venture banaboley.
Itu department para aru bhi grateful thaka laga janaishey, itu Church ke, sob logistic preparation provide kuria nimitey, itu camp laga.
Add Comment