Assam: Teenta suspect taka peddlers kan ke durishey aro taikan para contraband seize kurishe Assam para, enaga koishey Minister Himanta Biswa Sarma para.
Sob teenta case kan deh drugs toh neighbouring states kan para anishey koina koishey.
Sarma para Thursday deh X(Twitter) deh likishey ki “Dui din laga bitor deh @assam police drug peddlers kan state deh taka kan ke biya para blow dishey aro hazaar youth kan laga jaan ke biya huboley para bachaishey.”
Ekta manu ke arrest kurise two lakh laga YABA tablets logot, Karimganj police para, enaga koishey tai para.
YABA tablets kan toh illegal ase India deh kiley koiley taikan laga bitor deh methamphetamine thakey aro Schedule II substance under Controlled Substances Act deh pai.
Jorhat aro Gologhat Police para 358 gms laga heroin seize kurise aro ekta suspect ke durishey.
Aro ekta operation deh Karimganj police para ekta manu ke arrest kurishey aro 1.2 kg laga heroin seized kurishey tai laga haat para, enaga koishey CM para.
Sarma para koishey ki, “Sob teenta incident deh narcotics toh neighbouring states kan para he carried kurina loi jai takishey.”
Add Comment