May 17, 2024: Friday din deh, teentha hostages laka bodies keh recover kuri di shae Gaza Strip para, Israeli military para ekta statement deh announce kuri shae. Victims laka nam tho Itzhak Gelernter, Amit Bushkila aro Shani Louk ase aro taikan laka bodies tho ekta overnight operation deh discover kuri shae, statement laka isap deh.
“Victims tho Supernova music festival deh taki shae, Hamas led October 7 laka hamla din deh. Taikan utu din, Mefalsim jaka deh polai shae. Tateh, Hamas terrorist para taikan keh murai di shae aro taikan laka bodies tho Gaza deh lui jai shae,” Rear Admiral Hagari para kui shae.
Teentha hostages deh, tuita – Gelerenter aro Buskila – tho zinda ase kui nah agae deh papna kuri taki shae. Louk keh tho last October tho muri nah ase kui nah confirm hui jai shae, taila matha laka skull piece ekta keh identify kura piche deh.
Recovery operation tho bishi deri karne jai ase, puila para,: IDF spokesperson para kui shae. Tai para intelligence tho kun bah arrest kura Palestinian terror suspects para ahi shae kui shae.
“Fighting kuto sob Gaza jaka deh hui ase, etu itia b hui ase. Sob commander aro fighter laka mun deh, hostages laka recovery tho sobse zaruri rakhi nah ase,: tai para kui shae.
Add Comment