March 9, 2024: Saturday din deh Assam Police kan forest department lokot deh ekta joint operation kuri nah teentha suspected poachers keh arrest kuri shae aro Chirang district para jawar laka body parts aro firearms kan recover kuri shae.
Taikan keh Chirang district laka Bijini jaka deh duri shae Panbari forest range osor deh, officials laka isap deh. “Taikan para deers aro kun ba laka janwar kan keh murai di nah illegal markets deh jai taki shae, bika bole,’ Panbari forest range laka officials para kui shae.
Arrested accuse kan tho Dhansing Goyari (25), Ashok Brahma (27) aro Bergo Musahari (40) ase kui nah identify kuri shae. Sob Chirang district laka residents kana se, police para kui shae.
Bora para jawan laka body parts lokt deh tuita firearms, chartha machetes aro alak hunting materials kan pai shae arrested manu kan laka hath para.
SP para arrested accuse laka against tuita cases kan register kuri shae kui shae, ekta tho forest department para Wildlife Protection Act laka pitor deh aro alak tho Arms Act, 1959 pitor deh.
Police para arrested accused kan tho court laka agae deh ani bo kui shae. Taikan para incident deh ekta investigation launch kuri shae kui shae. “Kun bah alak poachers kan etu killing deh involve ase kui nah suspect kuri ase aro mukan taikan keh bisari ase,” SP Bora para kui shae.
Add Comment