Tehran Blast te ek jun morishe

Tehran: September 12, 2020.Friday din Iranian capital te battery workshop te bomb botikena ek jun manuh morishe aro 10 jun manuh jokom paishe aro buildings aro cars be besi beya hoishe, koikena Iran state news agency para IRNA logot khobor thishe. Blast toh 5:15 pm (1245 GMT) samay, Tehran province Nasimshahr county te tinta(3) storey ghor laga ground floor te hoishe, local fire brigade chief Iraj Torkamani para IRNA logot janai thishe. Etu blast para “jui besi tangor ola nemite kam kora manuh toh jolti morishe aro 25 ghor pithor te 10 jun ghor manuh khan jokom hoishe” tai koishe. 20 gari oper aro osor ghor khan be besi beya kori thishe. Torkamani para Tasnim news agency logot koishe ke, etu blast toh keneka hoishe nejani aro investigations jaiase koishe. Local crisis management chief, Mansour Darajati para state television ke koishe, saman kata machine para olaishe pareh. Khobor deya manuh para ghor laga walls aro ground floor blast kora toh thikaishe aro gari beya aro windows beya kora be thikaise koishe. Iran te June moina be etu blat kora toh latest khobor ase. July 2 darik te, Iran’s Natanz nuclear building toh besi beya kori thishe, etu samay Tehran te tuita(2) bomb botishe, aro ekta toh military site para thakishe. Officials para koishe ke, blast howah toh accidents thakishe, hoilebi konuba Iranian media para Israeli khan ke suspect korishe. July 3 darik te Iran Supreme National Security Council para junaise ke, “accident howah toh Natanz nemite ase” hoilebi dosura kotha janai deya nai. July moina kotom samay, parliament’s national security and foreign affairs committee laga head Mojtaba Zolnour, para koishe ke, etu kam toh drone nahoile missile para hamla kora ase.