Hyderabad, October 30 : Bharat Rashtra Samithi (BRS) laga MP Kotha Prabhankar Reddy kun Telangana Chief Minister K Chandrasekhar Rao laga ekjun biswas kuribole para manu bi asey taikey Monday din te Siddipet te ekta campaign event chuli thaka homoitey chaku para marisey. Etu jankari tu police khan para disey.
ANI para police officer khan para kuwa kotha tu aro wapas doraikina koisey ki Reddy tu khatra para bahar asey aro taikey hospital te loijaisey.
Reddy tu Nov 30 te Telanagana te hobole thaka assembly election Dubbak jaga para election laribole nimitey Bharat Rashtra Samithi (BRS) laga candidate asey. Siddipet laga Commissioner, N Swetha para koisey, “MP Kotha Prabhakar Reddy tu suraksit asey. Etu ghotna tu Daulatabad mandal laga Surampally busti te hoisey. Taikey Gajwel te shift kuridisey. Mujrim ke custody te rakhikina asey, amikhan para etu mamla te investigation kuri asey.”
TV footage te Prabhakar Reddy ke gari te buhikina tailaga pet te chaku gusa para jokhom huwa te khoon jabole para rokhabole nimitey dabai thaka dikhaisey. Etu MP ke chaku mara manu ke local manu khan para marisey. Reddy tu Telangana laga Medak jaga laga MP asey. Tai tu 2014 te KCR para Chief Minister hobole nimitey Medak laga MLA seat charidiya picheyte etu jaga laga MLA hoisey Tai tu BJP party laga Raghunandan Rao laga against te election laribole asey.
Add Comment