Hyderabad, October 27 ;Congress party para Friday din te Telangana te hobole thaka assembly election nimitey 45 candidate laga second list ailan kurisey. Etu dangor purana party para Jubilee Hills para poila laga India cricket Captain Mohammad Azharuddin ke aro Lal Bahadur Nagar para poila laga Lok Sabha MP Madhu Goud Yaskhi ke election laribole chunisey.
Etu announcement tu Congress Election Committee para New Delhi te thaka All India Congress Committee (AICC) office te Telangana laga election nimitey meeting kurikina ek din huwa picheyte ahisey. Congress President Mallikarjun Kharge para etu meeting ke chair kurisey. Aro etu meeting te mojud thaka senior party leader majotey Sonia Gandhi aro Salman Khurshid thakisey.
Congress para taikhan laga 55 candidate laga first list tu October 15 te declare kurisiley. Etu party para Kondagal assembly seat para Pradesh Cingress chief Anumala Revanth Reddy ke election laribole chunisey aro Madhira-SC seat para CLP leader Bhatti Vikramarka Mallu ke chunisey. Revath Reddy para 2018 laga assembly election te Kondagala para election lara te nakamyab hoisey. Aro picheyte tai tu Malkajgiri Lok Sabha segment para elect hoisey.
Telangana election nimitey notification tu November 3 te issue hobole asey aro polling tu November 30 te hobole asey. Result tu December 3 te announce hobole asey.
Add Comment