Hyderabad, June 18, 2026: Telangana laga EAGLE para jungle khan te khetai kena, 500 kg ganja pai she.
Jankare pai kena, ekta patrol team para ekta Bolero ke rokahi she, hoile be bolero toh polabole khushesh kure she. Police khan 80 km neshe na khetai she koi she.
Jungle laga betor te, gari toh rokha bole pare she, hoile be undera ho karne, driver toh pola bole pare jai she. Gari betor te besarea homoi, tai khan 115 packets pai she, kunto laga betor te ganja thake she.
Sob melai she koile toh 500 kg neshe na ase koi she, etu laga dam toh Rs 2.3 crore neshe na te ahea ase koi she. Ganja toh Koraput police khan laga hath te de deshe Odisha te, June 18 te.
Aro ekta case be register kure she Narcotic Drugs and Psychotropic Substances Act laga betor te.
