NEW DELHI, NOVEMBER 21 : Lok Sabha member Konda Vishweshwar Reddy toh Telangana Rashtra Samiti (TRS) pora hatijaa bejete All India Congress Committee in-charge, Telangana laga RC Khuntia pora Wednesday din tai (Konda Vishweshwar Reddy) toh Congress Party huijabole ase koi kena janaise.
Etu RC Khuntia pora PTI khobor te etu Konda Reddy toh Congress President Rahul Gandhi ke Delhi te Wednesday din lok kurise. Aro tai khushi pora Congress Party huijabole karne kotha janaide kena thakise koise. Aro tai Congress Party nemite November 23 te Medchal jaka te Rally mana time te huijabole ase. Etubi Purana Congress Party President Sonia Gandhi bi thaka time te.
Etu LS Member Konda Reddy hatijabole time te kotha lekhe kena TRS President aro Chief Minister K Chandrasekhar Rao ke tai tai kan Ruling Party laga ki-ki nemite besi khushi nabaa janaise. Eneka huikena tai hatijabole laga kotha janaidese koise. Etu ke TRS Lok Sabha Member, Karimnagar laga B Vinod Kumar pora etu hatijabole laga kotha toh ekdam ajanak laga kotha ase. Huilebi etu pora TRS Party laga bhal kam nahua kuridebole nahui koi kena janaise. Etubi Telangana Assembly Election te.
Add Comment