Hyderabad, November 2 : Telangana Assembly election hobole agey te, Income Tax department para Thursday din te Maheshwaram jaga laga seat nimitey election laribole thaka Congress MLA candidate K Laxma Reddy aro Badangpet Municipal Corporator Mayor C Parijatha Narasimha Reddy laga ghor te talashi loisey.
Telangana Pradesh Congress Committee (TPCC) spokesperson Gouri Satish para iljam lagaikina koisey, “Bharat Rashtra Samithi (BRS) aro BJP duita bi milikina kaam kuri asey aro taikhna para enaka harkat kurikina Congress candidate laga izzat biya kuribole kosis kuri asey.”
Tai para koisey, “Amikhan para Telangana laga manu khan ke etu savdhan kuribole mon asey ki BRS aro BJP tu ekta party asey. BRS tu BJP logotey jurikina thaka party asey. Telangana laga manu khan para etu bujibole jaruri asey .”
Income Tax laga talashi chuli thaka homoitey, Congress party workers para Laxma Reddy laga farmhouse bahar te protest rakhisey.
Etu talashi tu Badangpet Mayor Parijatha Reddy laga ghor te Thursday laga phujur 5 am para chuli thakisey. Local media para report kora hisap te, Parijatha, kun para juwa saal BRS ke charikina Congress join kurisey tai tu tailaga ghor te raid chuli thaka homoitey Tirupati te thakisey.
119-member Telangana Assembly laga election tu November 30 te hobole asey aro vote laga ginti tu December 3 te hobole asey.
Add Comment