Telangana te schools aro colleges kulishe

September 21, 2021: Covid-19 bemari halat control te thaka nemite, Telangana government para educational institutions neshina schools aro colleges toh aro September 1, 2021 darik para aro soruh koriboli fesla loikena junaishe. Monday din Telangana government para janaishe ke, sob private, government schools aro Angandwadi centres toh aro kuliboli koishe. Telangana chief minister K. Chandrasekhar Rao para officals khan logot janaishe ke, institutions pithor te rural aro urban jaga te KG para loikena PG tuita(2) toh aro soruh kuliboli koishe. Meeting thaka samai, chief minister Rao para Panchayat Raj aro municipal administration ministers aro officials logot hotikena schools, colleges aro hostels toh August 30, 2021 dak te senitised koriboli janaishe. Telangana education minister P. Sabitha Indra Reddy, panchayat raj minister E. Dayakar Rao, MP K. Keshava Rao, government’s chief advisor Rajiv Sharma, chief secretary Somesh Kumar, CM’s principal secretary Narsing Rao aro dosura officials khan be meeting thaka samai samil korishe. Chief minister Rao para koishe ke, Covid-19 bemari thaka nemite educational institutions khan besi dukh pai ase janaishe. Educational institutions bondh thaka nemite, students, parents, private school teachers aro dosura manuh education te melikena thaka khan toh opai nathakina bohi ase, koikena MP K. Keshava Rao para meeting samai janaishe. Etu meeting te alag-alag kam toh central governments para korikena konuba states te educational institutions toh aro soruh hoikena state te kam kori jaboli janaishe.