Telangana, 25 March 2025: Rescue teams khan pra aro ekta body paishey SLBC tunnel bitor te Telangana’ Nagarkurnool te early March 25 te. Conveyor belt pra 50 metres nishina te paishey excavation time te mini excavator lokot. Body toh phasi kina ase, aro team khan kam kuri ase olabo leh. Etu pra recovered bodies number toh duita kuri shey. Officials khan pra koishey mura ja manu laka identification toh olop time lagibo, tadeh search operation khan continue kuri ase cheita laka harija kam kura manu khan karne. First recovered body, Gurpreet Singh laka, ekta TBM operator ase, taike March 9 te paishey aro tai laka ghor manu khan ke didishey Punjab te. February 22, 2025 te, ekta partial collapse hoishey Srisailam Left Bank Canal (SLBC) tunnel te Telangana’s Nagarkurnool district te, tadeh eighta kam kura manu ke phasai dishey. Rescue operation direct chalu kuri shey, multiple agencies National Disaster Response Force (NDRF), State Disaster Response Force (SDRF), Indian Army aro expert rat miners milai kina.
Nonstop kam kuri kina b, operation toh significant challenges face kuri shey debris, pani jama hwa aro biya ventilation karne tunnel laka bitor te. March 9 te, rescue team khan Gurpreet Singh laka body paishsye, ekta tunnel-boring machine operator Punjab pra. Subsequently, cadaver kuta khan phatai sey manu ase nanai janibo leh, aro plans banai shey robotic assistance introduce kuribo leh rescue personnel laka safety ensure kuribo leh.
Add Comment