Telangana’s first home minister Narasimha Reddy murishe

October 22,2020: Telangana’s former Home Minister and senior leader of Telangana Rashtra Samithi (TRS) Nayani Narasimha Reddy toh   Thursday din te  bemar hoikena  murishe.tai  toh  76 umar thakishe. Narasimha Reddy toh Apollo  Hospital te murishe  kuntu te tai toh lung infection nimete elach loi thakishe   .etu khobor toh tai laga  ghor  manu para koikena  janaishe.

Tai  toh  health   complications nimete  hospital te thakishe  Covid-19 para bhal huwa pichede.doctor para koikena  janaishe  ki tai laga  lungs toh  biya  hoijaishe.

May 12, 1944  Nalgonda district te jonom hoikena   tai toh Telangana movement 1970s te  bhaagh loishe .tai aro bi etu movement nimete ekta  active  role  play kurishe etu bi K. Chandrasekhar Rao para  TRS 2001 te olaijaa pichede.

Tai  para tai laga  political career  toh trade  union leader hoikena shuru kurishe.Janata Party  laga  leader bhaakh  nohoikena  thaka  Andhra Pradesh te tai ke State Assembly Musheerabad constituency Hyderabad te  tin bar wala   chunishe.

Narasimha  Reddy  toh  assembly te  akhe bar 1978 te chunishe.etu pichede tai ke 1985 te aro ek bar chunishe.aro  TRS te 2001te aha pichede tai  ke  aro bi ekbar  2004 te  assembly nimete chunishe  aro  technical education minister 2004 para 2006 tak thakishe  Y.S. Rajasekhara Reddy laga   coalition government  te.

Telangana State 2014 te ola pichede  Chandrasekhar Rao para tai ke cabinet te anishe home minister  nimete.tai  ke etu pichede  legislative  council nimete chunishe.

Hoilebi TRS 2018   te power te aha  pichede Narasimha Reddy ke  cabinet te berth dianai   aro etu pichede  politics te tai thakanai.

Chief Minister K. Chandrasekhar Rao para mondukh janaishe   Narasimha Reddy mura nimete.tai  para yaad kurishe  narshima  Reddy  logote mila toh  Telangana movement aro state  government  laga  samay te.

Chief Minister para etu  manu mura laga  ghor manu khan ke mondukh janaishe aro  chief secretary ke    etu mura  leader laga   last  rites nimete arrange kuribole janaishe   official honours logote.

Narasimha Reddy’s  laga body toh tai laga  ghor te luijaishe  kuntu te alag alag ministers  aro TRS leaders khan para saaman  dishe.