Agencies, 11 July: Popular Telugu actor, film critic, political analyst, satirist aro Dalit intellectual Kathi Mahesh toh Saturday te ekta Chennai hospital te morise. Tai toh tui hapta agae Andhra Pradesh’s Nellore district te accident nemite jokhom powa para elach kori thakasamai morise. Tollywood actor Manchu Manoj para Kathi Mahesh mora hon ate ashrut aro monn dukh howa janaishe aro tai laga ektum mondukh toh tai laga family aro friends logote ase koise. Isor para peace debole nemite prathana janaishe.Telugu movie industry te tusara young aro upcoming hero, Sudheer Babu para Mahesh mora toh ekta ashrut hisab te koise.
Actor Nani para tai laga Twitter handle te Kathi Mahesh mora honi kena ashrut howa lekhise. Tai toh tai laga reviews para unique content logote films te othabole hotai kosish kora thakise koise. Isor para tai laga family aro shati khan ke dagot debole nemite prathana korise.
June 26 te Mahesh toh tai laga car aro truck para accident lok powa thakise aro besi jun toh tai jinda hobole bonabona thakise hoilebe tai jokhom powa nemite morise.
Add Comment