Telugu Titans jetise Patna Pirates logode

Agencies, 20 October: Friday din Vivo Pro Kabaddi Season VI deh Telugu Titans aro defending champions Patna Pirates khela thakise. Etu time deh Telugu Titans 35-31 score pora jeti lowah thakise.  Pardeep pora mara galdi howah aro tai khan laga defence komchor howah karni patna toh second par aro harise. Patna karni Manjeet aro Vijay pora meli kena 16 raid points mara thakise. Hoilebe etu toh kafi thaga nai. Telugu Titans nemide Rahul Chaudhari pora seven raid points mara thakise. Telugu Titans defence toh ektum phal pora suru howah thakise. Tai khan PardeepNarwal logode bench deh pothaise aro tui minutes bechide 2-0 pora agae deh thakise. Third minutes time deh Nilesh Salunke pora Titans karni tuita raid points mara karni team toh 4-0 pora agae deh thakise.  Patna Pirates pora tuita raid points mara karni team toh ninth minute deh lead thakise. Pardeep pora 10 minutes time deh ekta goal thala pora Patna Pirates toh 8-6 pora agae deh thakise. Tai pora aro be next minute time deh tui-ta raid points mara karni Patna 11-9 pora agae deh thakise. Chaudhari’s laga khel karni pora Telugu Titans toh first half deh dukh powah thakise. Half kothom hobo kowah time deh Patna Pirates toh 17-14 pora agae deh thakise. 27 mintes bechide Telugu Titans pora tuita points lowah thakise. Etu pora tai khan 25-21 pora agae deh thakise. Second half time deh Pardeep pora 10 minutes time deh ekta points lowah thakise. 33^rd minutes time deh Telugu Titans toh ektum phal pora kheli kena 29-28 pora agae deh thakise. Five minute pora be komti time bachi kena thaga time deh Manjeet  pora ekta points lowah thakise. Etu pora Patna 30-30 howah thakise. Mighani pora Pardeep logode bench deh potha thakise aro Telugu Titans logode 32-31pora agae korideya thakise. Mohisn Maghsoudlou pora 39 minutes time deh ek-ta points lowah pora Titans 33-31 pora agae deh thakise.