April 21, 2025, 06:59 PM: Development Commissioner & Samagra Shiksha, Nagaland laga State Mission Director – Temsunaro Aier, IAS para Government Primary School, Hongphoi Village inaugurate kurishey, 21st April, 2025 tey. Tai para itu Bosti Council ke congratulate kurishey, itu notun school building successful para complete hoa nimitey, eku dikdari nathaki kena. Tai para tai laga gratitude express kurishey, community support nimitey aru itu civil society khan para cooperation kuriboley urge kurishey, kiley koiley education toh hoiley ekta priority asey sob karney. Itu toh hoiley ekta notun chapter mark kurishey, itu bosti tey thaka laga education field tey, ekta khushi aru jubilation laga din.
Tai para student khan ke bhal para puriboley koishey, state kurishey ki success toh hoiley bhal school building tey/ bhal para english koa school tey hey depend nakurey, itu sob toh hoiley ekta manu kenea mehnat kurey itu opor tey depend kurey. Tai para itu foundation lay kuria laga importnace bhi explain kurishey bacha khan nimitey. Tai para tatey thaka laga ama baba khan ke request kurishey, itu basic requirement khan provide kuriboley, bacha khan laga aru church aru school duita tey bhi eke importance diboley koishey.
Tai para itu notun education policy opor tey bhi samjhaishey aru teach kuria community khan ke challenge kurishey itu ke adopt kuri loboley.
Itu notu nschool building toh hoiley Pastor HBC, Rev. R. Phowang para dedicate kurishey. Itu programme toh hoiley Social & Cultural Secretary HSU, Khampai para chair kurishey, Deacopn Board HBC para invocation prathana kurishey aru Grace Home Hosteller khan para ekta special number present kurishey.
Add Comment