Tennis Premier League: Hyderabad Strikers, Mumbai Eagles ke haraina Third Crown luishey

Hyderabad, 9 December : Choy din laga entertaining aru non-stop Tennis action pora, Hyderabad Strikers Tennis Premier League Season 6 laga champions banise, Clear Premium Water pora power paikina. Hyderabad Strikers Mumbai Eagles ke 51-44 pora harai jabole khelise aru taikan third time title uthai dise. Harriet Dart, Benjamin Lock aru Vishnu Vardhan consistent performance di kintu grand finale te sob glory loi dise. Final khel te Mumbai Eagles aru Hyderabad Strikers pura mon pora khelise title uthabo karone. Hyderabad Strikers laga mahila laga Singles khel te Harriet Dart Mumbai Eagles laga Zeynep Sonmez ke 14-11 pora harai, shuru te strong position te thakise. Mumbai Eagles laga Karan Singh Men’s Singles te Benjamin Lock ke 14-11 pora harai aru score equal korise. Hyderabad Strikers Mixed Doubles khel te pura dominate kori dise, juntu Harriet Dart aru Vishnu Vardhan laga juti Mumbai Eagles laga Zeynep Sonmez aru Jeevan Nedunchezhiyan ke 16-9 pora harai, aru final khel te comfortable position te jabole di dise. Men’s Doubles khel te, Karan Singh aru Jeevan Nedunchezhiyan deficit katabo karone try korise kintu Vishnu Vardhan aru Benjamin Lock laga Hyderabad Strikers team 10-10 draw kori league high note te end kori dise.