Las Vegas, 15 September : Terence Crawford Saturday rati Las Vegas laga Allegiant Stadium te ekta dangor fight te Saul “Canelo” Alvarez ke unanimous faisla te haraise, undisputed super middleweight champion banise. Crawford fight shuru pora control loise, tai laga hand speed aru footwork laga accuracy dekhaikena. Judges khan fight score dise 116-112, 115-113 aru 115-113, sob American fighter laga favour te.
Alvarez aru Crawford duijon bhi agey te dunia laga top pound-for-pound boxers hisab te mani thakia karone, itu fight ekta boxing master class hobo kuina promise kori thakise. Duita boxer khan milaikena ekta entertainment full battle di dise, juntu te 70,000 pora besi manu live stadium te thakise aru millions Netflix te bisi excitement logot 12-round fight dekhise.
Add Comment