India, 24 May 2025: India ekta all-party delegation pathaishe panchta country te, juntu terrorism upor awareness uthai dibo aru India laga shanti laga message dunia ke share kuribo. Etu delegation Congress MP Shashi Tharoor lead kuris ase, aru BJP, TDP, Shiv Sena, JMM, aru LJP laga MP khan bhi include ase. Delegation United States, Panama, Guyana, Brazil, aru Colombia jaibo. Former Indian Ambassador to the US, Taranjit Singh Sandhu bhi team te ase.
Social media te ekta video message te Shashi Tharoor koishe, “Ami jabo amikhan laga desh nimite kotha kuribole aru dunia ke janabo juntu dangor terrorist attack Moi khan face kurishe. Ami terrorism para chup nakuri thakibo. India shanti, democracy aru freedom nimite stand kure—violence aru hate nohoi.”
Jabole age te, delegation ke Foreign Secretary Vikram Misri briefing dishe outreach program laga te. Tharoor koishe ki delegation government official, lawmakers, media, think tanks, aru public logot bhi kotha kuribo. “moi khan dunia laga opinion ke bujai dibole lage India aru ki strong stand luishe terrorism upor te,” tai koishe.
Etu MP khan dekhabole bisare ki India te sob political party terrorism oppose kore. Tai bhi bisare ki dunia terrorism ke ignore nah kuribo lage, na to indifference dikhai dibo lage.
Etu visit ekta dangor koshish ase juntu dunia ke India laga shanti aru hope laga value bujai dibole. Delegation India laga zero-tolerance policy terrorism laka upor bhi highlight kuribo aru dunia laga support paabole try kuribo.
Add Comment