Tethuyo te DAMU khan Farmers’ Awareness Programme loishe

KIPHIRE,SEPTEMBER 30,2019: District Agromet Unit (DAMU), KVK, Kiphire khan   para Agro Advisory services laga one day  farmers awareness programme Tethuyo village, Kiphire district 26th September 2019  te loishe.Etu programme te  Temjemna Jamir, SMS (Agro meteorology)  para farmers khan ke kinika IMD akhe ahikena  farmers khan ke  weather laga khobor dishe  Agro_ met stations (DAMU)  bonaikena.Tai para aro  weather extremities aro kinika ekta chotu micro  region te weather parameters khan alag thakeh aro etu  laga importance khan kotha kurishe farmers khan logote.  Tai khan ke aro bi tai khan laga phone numbers register kura laga  mobile Short Message Services (SMS) Agro advisory services nimete kotha kurishe.Etu farmers khan ke  livestock management  thanda time te  Benjungtemsu, VFA para kotha kurishe.Aro etu logote food security laga importance aro  village vicinity te  surplus produced thakibole nimete Setsiba Sangtam, DAO (AFA) para koishe .Tai para farmers khan ke drought tolerant crops olabole koishe.Etu programme te sob milaikena 63 farmers khan bhaagh loishe.