Itanagar, November 30: Thailand laga Surindra Rajabhat University Regional Development Strategies Foundation (SRRURDS) aru Namsai laga Mahabodhi Lord Buddha College pora olop agete academic aru cultural activities develop koribole MoU sign korishe.
MoU laga hisab te, duita institutes pora educational institutions te international development karone academic, research, cultural activities te eke logot kam koribole monjor korishe. Eitu MoU pora Arunachal Pradesh aru Thailand laga manuh majotte cooperation beshi koridibole expect kori ase.
Associate professor Dr Achara Phanurat, ex-president of SRRURDS aru Ven. Bhikkhu Panyaloka, director of Mahabodhi Lord Buddha College pora deputy chief minister Chowna Mein aru Tharadol Thongruang, minister councillor, Royal Thai Embassy, New Delhi thaki kene MoU sign korishe.
Mein eitu step toh ekta important ase koi kene koishe ke, “MoU pora Act East Policy ke high spirit te loishe aru koishe ke Arunachal Pradesh laga government toh Act East Policy practical te anibole committed ase.”
“Eitu nishena ami khan pora Arunachal Pradesh aru Thailand majotte cultural exchange, linguistic aru research activities kori kene friendly relations bonabole paribo kile mane ami khan eke cultures, religion aru linguistic affinities ase,” Mein pora koishe.
Thongruang pora koishe ke eitu chotu step toh ahibole laga din te ekta dangor hobo. Tai pora koishe ke Arunachal Pradesh aru Thailand toh beshi osor ase aru olop mountains pora alak hoi ken ease.
“Arunachal Pradesh aru Thailand laga Northeast link kora purana rasta toh future te bhal relationships bonabole karone re-open koribo,” tai pora koishe.
Add Comment